الرقاق

الرقاق الفلاحي الطري

لمقادير :

8 كوب دقيق

نصف ملعقة صغيرة ملح

3 كوب زبادي تقريبا ( حسب أحتياج العجين )

علبة قشدة

أختياري : نصف كوب زبدة ، أذا فضلتي الرقاق خفيف يمكنك الأستغناء عنها

طريقة

لنضع في أناء العجن كلا من ( الدقيق ، الزبدة ،  القشدة ، تلات أرباع كمية الزبادي ) و تعجن جيدا أذا كانت العجينة يابسة يمكنك أضافة باقي كمية الزبادي .

نعجن المكونات جيدا ألي أن تحصلي علي عجينة طرية ، لا تلتصق باليد

تترك العجين لترتاح حوالي نصف ساعة.

تقسم ألي كريات و تفرد طبقة رفيعة جدا بالنشابة

يمكنك خبزها علي مقلاة ساخنه جدا علي سطح البوتاجاز

تسخن المقلاة جدا ثم نضع واحدة من الرقاق . و تقلب

ترفع من المقلاة و تغطي بفوطة أو تغطي داخل صينية حتي لا تجف .

يحفظ في أكياس في الفريزر ، و يسحب منها عند الحاجة.

بصحة وعافية

الرقاق الناشف

المقادير

نص كيلو دقيق
ربع ملعقه صغيره ملح وزيها سكر
ملعقه صغيره خميره فوريه أو عاديه بس العاديه طبعا تدوبيها الأول في ميه دافيه
ماء دافئ للعجن.

الطريقة

هنضيف كل المكونات علي بعض والميه شويه بشويه ونعجن كويس لحد مانحصل علي عجينه متماسكه. نسيبها تخمر ساعه ونص. الفرد.
خااااااالص. بصي بقي ياقمر انتي وهيه لو تحبي تنجزي علطووووووول في السريييييييييييييع كده هتجيبي طاستين كوبااااااااار وتحطيهم علي البوتجاز علي نار هاديه بس مش هاديه قوي يعني أقل من المتوسط بشويه وتبدئي تفردي 3 او اربع روقاقات مع بعض زي الصور ماهتوضح
هتحطي دقيق كتيييييييييير وتحطي فوقه اول واحده
هنحتاج نص كيلو دقيق تقريبا كمان علشان وتغطيعا بالدقيق الكتيييييييييير مايبانش منها حاجه وتحطي التانيه فوقها. والتالته والرابعه كذاااالك وتبدئي تفردي الأربعه مع بعض ملخبطةكده. وبعدين تفصليهم كده. وتبدئي ترقي كل واحده لوحدها.
لحد اما تجيب اخرها وتبطل تتفرد معكي وتقلك ارحميني خلاص
بس لو خايفه يلزقوا في بعض اعملي كل واحده لوحدها. وبعدين ننفضها من الدقيق كويس خالص. شوفوا رقيقه خاالص ازاي.
بصحة وعافية